E hapur vetëm para 3 vjetësh, AlbanianSport.net, u shndërrua në portalin kryesor sportiv të shqiptarëve në Internet, pasi numri i vizitorëve të saj u rrit nga dita në ditë me një numër stabël vizitorësh, që luhatej në kufijtë e 1,000 vetëve në ditë, ndërsa në fundjavë, veçanërisht gjatë transmetimit të rezultateve “live” të kampionateve kombëtare të futbollit, atë të Kategorisë Superiore, të Parë dhe të Kategorisë së Dytë, ose në mesjavë, kur luhej ndeshjet e Kupës së Shqipërisë, ky numër vizitorësh thuajse dyfishohej.

Përveç numrit të kënaqshëm të vizitorëve brenda Shqipërisë, vlen të theksohet fakti se gjeografia e vizitorëve jashtë Shqipërisë përfshinte një numër të madh vendesh, qofshin këto të kontinentit evropian apo në Shtetet e Bashkuara të Amerikës, si dhe të shumë vendeve të tjera ku punojnë, jetojnë apo studiojnë shqiptarët.

Por, për arsye të forta familjare, u detyrova ta ndërpres mirëmbajtjen e kësaj faqeje për disa kohë. Megjithatë, duke filluar nga data 25 prill 2010, AlbanianSport.net është sërish online, këtë herë me një dizenjo të rifreskuar, me përmbajtje më të pasur dhe me një rrjet të konsoliduar korrespondentësh dhe editorialistësh.

Me një konceptim të pëlqyeshëm dhe të thjeshtë grafik, që është çlodhës për syrin dhe i lehtë për t’u hapur në çdo platformë internetore, AlbanianSport.net është një faqe aktive, që përveç rezultateve “live” që ofron, do të sjellë për vizitorët e saj 40 deri në 50 lajme të freskëta në ditë, shumica e të cilave janë lajme origjinale dhe që kanë të bëjnë me ngjarjet më të fundit sportive në Shqipëri dhe në botë, si dhe për sportistët shqiptarë që ushtrojnë sportin në disiplina të ndryshme në vende të ndryshme të Evropës apo të botës.

Vizitorët e faqes kanë mundësi të shijojnë nëpërmjet platformës së multimedias, edhe të gjithë golat e çdo fundjave të futbollit shqiptar, të dëgjojnë në formatin audio dhe video intervista të ndryshme, si dhe të kenë në formatin audio një buletin të përditshëm lajmesh sportive. Gjithashtu, ata kanë në dispozicion një galeri të pasur fotografike, duke patur mundësi të download-ojnë sfonde kompjuteri apo “screen-savers” me tematikë sportive.

Duke qenë një projekt jofitimprurës që synon mbulimin e kostove të mirëmbajtjes teknike dhe vlerësimin e bashkëpunëtorëve, AlbanianSport.net synon të qëndrojë larg konjukturave të botuesve që mbizotërojnë në shtypin e shkruar sportive apo mediat televizive dhe elektronike sportive, duke synuar t’i sjellë sportdashësit shqiptar saktësi në shifrat dhe statistikat sportive, një raportim korrekt të lajmeve, një koment të përgjegjshëm dhe një këndvështrim teknik profesional mbi sportin.

Kjo bëhet e mundur nëpërmjet një rrjeti tanimë të konsoliduar bashkëpunëtorësh nga Tirana dhe të gjitha rrethet e Shqipërisë, të cilët i gjejmë çdo ditë në faqet e shtypit sportiv, si dhe nëpërmjet rekrutimit të specialistëve të shquar të sportit në vend, të tillë si ish-trajneri i Kombëtares, Neptun Bajko, e të tjerë.

Për më tepër, kjo faqe vjen në dy versione gjuhe, shqip dhe anglisht, duke synuar shndërrimin e AlbanianSport.net në një pikë reference të shtypit ndërkombëtar për lajmet sportive shqiptare.

Për këtë arsye, AlbanianSport.net është një dritare shumë e përshtatshme për reklamimin e shërbimeve dhe produkteve të atyre kompanive që synojnë të prezantohen te shqiptarët brenda dhe jashtë Shqipërisë, ndërkohë që edhe tarifat e publikimit të reklamave ofrojnë çmime të leverdishme, që janë si vijon:

1.    Reklamë “baner” me përmasa 468 pixels X 60 pixels,  me dizenjo sipas dëshirës së klientit:

Çmimi për një kontratë   1-mujore,       200 Euro në muaj
Çmimi për një kontratë   6-mujore,     1,000 Euro gjithsej
Çmimi për një kontratë 12-mujore,     2,000 Euro gjithsej

2.    Reklamë “baner” me përmasa 160 pixels X 60 pixels, me dizenjo sipas dëshirës së klientit.

Çmimi për një kontratë   1-mujore,       100 Euro në muaj
Çmimi për një kontratë   6-mujore,        500 Euro gjithsej
Çmimi për një kontratë 12-mujore,     1,000 Euro gjithsej

3.    Paketë e përbashkët me dizenjo sipas dëshirës së klientit Reklamë “baner” me përmasa 468 pixels X 60 pixels, si dhe  Reklamë “baner” me përmasa 160 pixels X 60 pixels

Çmimi për një kontratë   1-mujore,       250 Euro në muaj
Çmimi për një kontratë   6-mujore,     1,350 Euro gjithsej
Çmimi për një kontratë 12-mujore,     2,500 Euro gjithsej

www.AlbanianSport.net
Managing Editor:
Altin B. Kodra
Cel: 069-2178848
e-mail: albakod@journalist.com