Subscribe to RSS

Absurdi i Ligjit të Sportit, qendrat olimpike në dorë të bashkive

Share Button

Nga Gjergj Vyshka 03.03.2017 15:25

Projektligji i ri i Sportit është diskutuar në Ministrinë e Arsimit dhe Sportit edhe mes gazetarëve sportivë. Një gjë që për të cilën ka këmbëngulur vetë deputeti i Partisë Socialiste, Fidel Ylli, si hartuesi i këtij ligji. “Sepse pa dëgjuar mirë palët e interesit ky ligj nuk ka për të kaluar, – ka thënë ai. – Pra sportistë, trajnerë, biznesmenë, gazetarë, prindër, fëmijë, pasi vetëm kështu ky ligj mund t’i rezistojë kohës. Dhe mos harroni që më 2012-ën na ka ikur Elis Guri, sepse bënim sport pa ligje.”

“Na ka ikur më 2014-ën Sahit Prizreni në Australi për 30 mijë euro dhe prapë s’kishim, – ka vijuar Ylli. – Sot kemi një projektligj ndër më të mirët e viteve të fundit dhe të gjithëve u themi si ta bëjmë më mirë. Sepse nuk shkuam rastësisht në Francë me kombëtaren e futbollit, por kështu duam t’i kemi të gjitha sportet. Kemi bërë stadiumin e Elbasanit dhe Shkodrës, parkun olimpik në Tiranë e Korçë, palestra për shkollat. Pra është investuar për sportin sa nuk është bërë në këto 25 vjet.”

Por çengeli më i madh është administrimi i parkut olimpik, sidomos në ish-kompleksin “Dinamo”, sepse tashmë ajo si qendër i ka kaluar Bashkisë së Tiranë dhe në ato mjedise ka ardhur Agjencia e Parqeve dhe Rekreacionit. Pa harruar qendrën olimpike në Korçë, e cila po kështu administrohet nga Bashkia. Në diskutimet e kësaj pike, propozimi ishte që administrimi i tyre të kalojë te qeveria qendrore për një sërë arsyesh, një prej të cilave ka të bëjë me aspektin financiar.

Gjë që e mbrojti dhe deputeti Ylli. “Sepse nuk ka qendër olimpike në botë që të administrohet nga Bashkitë, – ka thënë ai. – Ku është parë e dëgjuar që t’i merret qira Federatave për zyra, apo t’u thuash peshëngritësve “dilni ju nga palestra se kam aktivitet”. Apo në Korçë hiqet pista e atletikës për rekreacion. Në të gjitha qendrat olimpike që kemi shëtitur, së bashku dhe me zëvendësministrin Dimraj, kemi parë që administrohen nga qeveritë qendrore.”

Tjetër pikë që u diskutua në takimin e Ministrisë së Arsimit dhe Sporteve ishte edhe statuti i klubeve të futbollit. Sipas projektligjit të ri, Bashkitë do të kenë 6 muaj kohë për t’u dhënë statut të ri klubeve që kanë nën administrimin e tyre që nga hyrja në fuqi e këtij ligji. Në të njëjtën kohë, me anë të këtij drafti, synohet t’u jepet më shumë pavarsi federatave sportive, duke u lënë shumë gjëra në dorë të statuteve të vetë institucioneve.

Në logjikë pranohet që nuk mund të ketë president të përjetshëm, por që të ndërhysh për të kufizuar mandatin e tyre është ndërhyrje në pavarësitë e Federatave. “Sepse, – ka thënë sekretari i Ministrisë së Arsimit dhe Sportit, Plarent Ndreca, – i do komuniteti edhe kur janë 70 vjeç”. Njohja e KAS-it, vendosja e shpërblimit për titullin “kampion” Ballkani, antidopingu, orët e mësimit të edukimit fizik, apo dhe të tjera si këto janë diskutuar mes gazetarësh dhe Ministrisë.

Të pranishëm kanë qenë Fatmir Mëneri (analist sportiv), Blerim Jahaj (kryeredaktori i Sport Ekspres) dhe Gjergj Vyshka, Jetmir Halilaj (kryeredaktori i Panorama Sport), Brikena Kuka (TVSH), Drilon Xhepollari (Telesport), Endi Tufa dhe Elert Yzeiri (Top-Channel) dhe Agron Kaja (Telegraf). E përballë medies Plarent Ndreca (sekretari i përgjithshëm i MAS), Vladimir Gjonaj (drejtori i sporteve në MAS), Arjan Konomi (shefi i sportit elitar) dhe Elvira Baze (shefja e sportit shkollor).

Medias iu mor mendim, tashmë do të ketë konsultime të tjera me të gjithë palët e prekura direkt nga Ligji i Sportit dhe do të shihet sa do të reflektohen në ligj diskutimet, për të mos qenë takime sa “për sy e faqe”.

Artikuj të tjerëFaqja Kryesore

(Video) Basketboll – Meshkuj / Bushati: Ndërrimi i brezave, problem shqetësues

(Video) Basketboll – Meshkuj / Bushati: Ndërrimi i brezave, problem shqetësues

AlbanianSport.net 18.08.2017 19:50 ASNN – Shqipëria e basketbollit të meshkujve po merr pjesë

(Video) Nën-19-vjeçarët / Bogdani: Gjeorgjia, “provë gjenerale” për tetorin

(Video) Nën-19-vjeçarët / Bogdani: Gjeorgjia, “provë gjenerale” për tetorin

AlbanianSport.net 18.08.2017 18:55 ASNN – Një “provë gjenerale” para eliminatoreve të tetorit. Kështu

(Video) Atletikë / Karriqi: Arsyet e mungesës së rekordeve në “Londër 2017”

(Video) Atletikë / Karriqi: Arsyet e mungesës së rekordeve në “Londër 2017”

AlbanianSport.net 18.08.2017 18:00 ASNN – Mungesa e rekordeve të reja në Kampionatin e 17-të Botëror

(Video) Aeronautika / Pas Botërorit, edhe Kampionati i 7-t Kombëtar, një sukses

(Video) Aeronautika / Pas Botërorit, edhe Kampionati i 7-t Kombëtar, një sukses

AlbanianSport.net 18.08.2017 17:05 ASNN – Sporti po shikohet gjithnjë e më tepër si një mundësi

Basketboll / Ermal Kuqo, zbulues talentesh tek Los Anxhelos Klipers

Basketboll / Ermal Kuqo, zbulues talentesh tek Los Anxhelos Klipers

Gjergj Vyshka 18.08.2017 16:10 Ermal Kuqo ka pasur një karrierë të gjatë si basketbollist në

  

banner

Arkiva

banner
banner
banner
banner
banner
banner
banner
banner
banner
banner
banner
banner

Kontakte dhe informacione

Rrjeti Shqiptar i Lajmeve Sportive (ASNN)

PR & Marketing:
Gentiana Kodra (Pine)

Senior Editor
Gjergj Vyshka

Rrjetet Sociale

Rreth Nesh