Subscribe to RSS

Basketboll – Femra / Toska: Titulli, sfidë 3-she, Flamurtari, më tepër punë!

Share Button

AlbanianSport.net 03.02.2017 21:15

ASNN – Kampionati kombëtar i basketbollit për femra rinis sot fazën e dytë, ndërsa kampionia në fuqi, Flamurtari, e cila e mbylli 2016-ën me luhatje, duke zënë vendin e tretë, zbret nesër për parket për ndeshjen e orës 11:00 në shtëpi ndaj Elbasanit.

Në një intervistë për të përditshmen sportive shqiptare, “Panorama Sport”, trajneri Viron Toska, ndërsa bën “mea culpa” për paraqitjen e ekipit, thekson se, me një punë më intensive, mbrojtja e titullit është e mundshme.

AlbanianSport.net po ju sjell këtu një pjesë të kësaj interviste.

 

– Faza e dytë e gjen Flamurtarin në pozita jo siç do ta kishit parashikuar, të 3-tin në renditje?

– Unë e kam thënë edhe në fillim të kampionatit që lufta për titullin “kampion” do të jetë mes tri skuadrave: Flamurtarit, Tiranës dhe Goga Basket. Këto nuk janë objektivat e Flamurtarit, por që na kanë penalizuar gjëra të ndryshme. Sidoqoftë, unë nuk dua ta shpërndaj fajin te të tjerët, por e lë te vetja dhe skuadra. Besoj se ky nuk është niveli i skuadrës sonë, ky pozicion. Kuptohet që në vazhdim nuk diskutohet që ne synojmë sërish titullin kampion.

 

– Cila ka qenë përgjigjja e kampioneve në merkato ndaj Goga Basket?

– Unë, nëse do ta ndieja veten me të fuqishëm sesa Flamurtari nuk kam përse të marr përforcime. Pra e ndjeu që edhe atë ndeshje e fitoi padrejtësisht, prandaj mori edhe përforcime. Nuk diskutohet që një qendër do të vijë patjetër te ne.

 

– Si është forma e ekipit në prag të rifillimit të kampionatit?

– Skuadra është stërvitur intensivisht. Madje, disa prej lojtareve stërviten dy herë në ditë, vajzat që janë në Vlorë. Kuptohet që objektivi final është titulli. Flamurtari e ka piketuar një qendër serbe dhe është në bisedime me dy motrat Daboviç. Për kujtesë, Ana Daboviç ka qenë pjesë e Flamurtarit përpara shumë viteve. Trofeun e parë që ka fituar në karrierë e ka marrë me Flamurtarin, një Kupë Republike. Është një nga lojtaret më të mira të Evropës, basketbolliste e përfaqësueses serbe.

 

– Çfarë pritet të bëjë ndryshe Flamurtari në vazhdim?

– Normalisht Flamurtari do të punojë më shumë se çfarë ka dhënë deri sot. Rivaliteti është rritur. Mund ta fitojë titullin “kampion” si Flamurtari, ashtu edhe Goga Basket apo Tirana. Të tria janë skuadra favorite. Por ne do të stërvitemi më shumë dhe do të bëjmë më të mirën tonë dhe do të japim maksimumin.

Artikuj të tjerëFaqja Kryesore

Erzeni bën “bis”, titulli më pranë, gjithçka vendoset të dielën

Erzeni bën “bis”, titulli më pranë, gjithçka vendoset të dielën

AlbanianSport.net 19/04/2018 22:00 ASNN – Erzeni ka bërë “bis”, duke e fituar edhe duelin e dytë

Tirana & Teuta nuk gabojnë, sigurojnë duelin për kurorën e “kampiones”

Tirana & Teuta nuk gabojnë, sigurojnë duelin për kurorën e “kampiones”

AlbanianSport.net 19/04/2018 20:55 ASNN – Kampionati Kombëtar i Basketbollit për meshkuj ka

Basketboll – Femra / Tirana e mposht Goga Basket edhe në shtëpi

Basketboll – Femra / Tirana e mposht Goga Basket edhe në shtëpi

AlbanianSport.net 19/04/2018 18:45 ASNN – Tirana në basketboll për femra është finaliste e betejës

Basketboll – Femra / Vllaznia triumfon në “play out” ndaj Apolonisë

Basketboll – Femra / Vllaznia triumfon në “play out” ndaj Apolonisë

AlbanianSport.net 19/04/2018 15:30 ASNN – Apolonia është mposhtur edhe në ndeshjen e radhës

Peshëngritje / Kampionati Kombëtar i Moshave, gjithçka gati

Peshëngritje / Kampionati Kombëtar i Moshave, gjithçka gati

AlbanianSport.net 19/04/2018 13:20 ASNN – Peshëngritja shqiptare bëhet gati për Kampionatin e Moshave,

  

banner

Arkiva

banner
banner
banner
banner
banner
banner
banner
banner
banner
banner
banner
banner

Kontakte dhe informacione

Rrjeti Shqiptar i Lajmeve Sportive (ASNN)

PR & Marketing:
Gentiana Kodra (Pine)

Rrjetet Sociale

Rreth Nesh