Subscribe to RSS

Basketboll / FSHB: Testimi i gjyqtarëve të tavolinës, vetëm 4 ekipe përgjigjen

Share Button

Gjergj Vyshka 03.10.2017 11:40

Gjyqtarët e tavolinës në basketbollin shqiptar gjithnjë kanë qenë problem. Aq më tepër kur, në raste të veçanta, rezultatet janë mbivendosur në protokoll ende pa u mbyllur ndeshja, apo kur janë shtuar e janë hequr pikë sipas dëshirës, deri në mbyllje të tabelës elektronike. E për më tepër që Federata Shqiptare e Basketbollit pret dhe të dhënat “on-line” në përfundim të ndeshjes, gjë që nuk ndodh në shumicën e takimeve, sepse jo të gjithë kanë kompjuter, printer e gjithçka tjetër që duhet për ta parë një ndeshje kampionati si ndërkombëtare.

Dhe fenomenet, kur më së shumti kanë ndodhur në Sallën Sportive “Fahrie Hoti” në kryeqytet me Tiranën e femrave, apo kur janë bërë “bajate” me Kamza Basket për femra që për hir të dobësisë së skuadrës shpikte gjithçka për ndryshime të rezultatit aktual të ndeshje, reflektohen dhe sot. Por, ç’do të thotë kjo? Federata Shqiptare e Basketbollit, së bashku me testimin teorik dhe fizik të gjyqtarëve të ndeshjeve, ka kërkuar që të dielën të bëjë dhe testimin e gjyqtarëve të tavolinës. Një seminar të cilin e ka drejtuar ish-gjyqtari ndërkombëtar Ervin Koçi.

Por dje, përmes një letre drejtuar Presidentit të Federatës Shqiptare të Basketbollit, Avni Ponari, dhe Sekretarit të Përgjithshëm Korab Llazani, si dhe të gjithë anëtarëve të kryesisë, teksa pritet që, mbase sot të ketë dhe një mbledhje kryesie, e cila do të vendosi përfundimisht për ata që do të marrin pjesë në kampionat mbi bazën e regjistrimit të fundit 25 shtator-2 tetor, është bërë e ditur që vetëm 4 skuadra kanë paraqitur përfaqësuesit e tyre në seminarin e testimin e gjyqtarëve të tavolinës. Dhe ato ishin Goga Basket, Flamurtari, Skënderbeu dhe Apolonia.

Bëhet një numër i madh skuadrash që nuk kanë denjuar të marrin pjesë në këtë testim të tilla si Tirana (meshkuj e femra), Vllaznia (meshkuj e femra), Teuta (meshkuj), Kamza Basket (meshkuj e femra), Elbasani (meshkuj e femra), Tirana Eagles Basket (meshkuj), Partizani (meshkuj e femra), Studenti (femra), apo dhe një shumicë ekipesh të moshave. Sepse dhe tek moshat ka më shumë se sa probleme me tavolinat. Për të mos qenë drastik në masa, atëherë të gjithë këtyre klubeve u është dhënë shansi i fundit për seminarin dhe testimin e gjyqtarëve të tavolinës.

Ky shans është më 6 tetor 2017, në ora 16:00, në mjediset e Federatës Shqiptare të Basketbollit. Madje, me të lutur tashmë, u është kërkuar që të respektojnë dhe nenin 17 të Rregullores së Aktiviteteve për sezonin 2017-2018. Por, a do t’i shpëtojë dot basketbolli shqiptar paaftësisë dhe moskorrektesës së gjyqtarëve të tavolinave? Kjo mbetet për t’u parë…

Artikuj të tjerëFaqja Kryesore

(Video) Tirana “hakmerret” ndaj Vllaznisë, e mund 2-0 në sfidën e Kupës

(Video) Tirana “hakmerret” ndaj Vllaznisë, e mund 2-0 në sfidën e Kupës

AlbanianSport.net 29/11/2017 19:55 ASNN – Veprimtaria e dytë e futbollit në vend, Kupa e Shqipërisë,

(Video) Peshëngritje / Shqipëria, me 5 sportistë në SHBA, shanse për medalje në Botëror

(Video) Peshëngritje / Shqipëria, me 5 sportistë në SHBA, shanse për medalje në Botëror

AlbanianSport.net 29/11/2017 19:15 ASNN – Veprimtaria më madhore e peshëngritjes, Kampionati

Basketboll – Meshkuj / Fiton Tirana, por Skëndaj shënon i vetëm 39 pikë

Basketboll – Meshkuj / Fiton Tirana, por Skëndaj shënon i vetëm 39 pikë

AlbanianSport.net 29/11/2017 17:15 ASNN – Tirana ka fituar ndaj Barleti-Eagles me 59 pikë diferencë.

Volejboll / Flasin trajnerët kuqezi, Martiri & Bardhi, pas triumfit me Kosovën

Volejboll / Flasin trajnerët kuqezi, Martiri & Bardhi, pas triumfit me Kosovën

AlbanianSport.net 29/11/2017 16:35 ASNN – Trajneri i Kombëtares së femrave të volejbollit, Altin

Futboll – Femra / Java e 7-të ruan binomin e kreut, Kinostudio-Vllaznia

Futboll – Femra / Java e 7-të ruan binomin e kreut, Kinostudio-Vllaznia

AlbanianSport.net 29/11/2017 13:25 ASNN – Në kuadër të javës së 7-të të futbollit të femrave, Apolonia

  

banner

Arkiva

banner
banner
banner
banner
banner
banner
banner
banner
banner
banner
banner
banner

Kontakte dhe informacione

Rrjeti Shqiptar i Lajmeve Sportive (ASNN)

PR & Marketing:
Gentiana Kodra (Pine)

Rrjetet Sociale

Rreth Nesh