Subscribe to RSS

In Memoriem / Todi Janku, një histori nga aksionet rinore, tek ringu

Share Button

Gjergj Vyshka 18.02.2017 15:25

Vetëm përpara dy vjetësh, më saktë më 8 janar 2015, Todi Jankut i është festuar me madhështi 85-vjetori i lindjes. Ai ka lindur më 8 janar 1930 në Tiranë dhe deri në ditët e fundit të jetës ka banuar pranë kryqëzimit të 21 dhjetorit. Që në moshën 12-vjeçare ka nisur punën e tij në profilin e marangozit, të cilin e ka vazhduar gjatë. Edhe si i tillë mban titullin “Mjeshtër në profesion”. Ai ka kontribuar në shumë vepra të ndryshme e në veçanti në panairet ndërkombëtare të organizuara në shumë vende të Evropës, Afrikës, Lindjes së Mesme nga Dhoma e Tregtisë në Shqipëri.

Në moshën 17-vjeçare, Todi Janku merr pjesë në aksionin kombëtar për ndërtimin e hekurudhës Peqin-Durrës-Tiranë. Më pas shkon vullnetar në ndërtimin e autostradës Beograd-Zagreb në ish-Republikën e Jugosllavisë. Në këto aksione, Janku i madh i dorezave shqiptare ka marrë shumë fleta lavdërimi, sulmuese e dekorata të ndryshme. Përveç kësaj, Todi Janku është një figurë e ndritur e sportit shqiptar e në veçanti e boksit shqiptar. Sportin e dorezave e ka ushtruar në vitet 1952-1963. Në vitin 1956 është “Mjeshtër Sporti”.

Nga viti 1956 dhe deri më 1963 është trajner i Tiranës në boks. Boksier, kapiten i Tiranës dhe më pas i ekipit kombëtar të të rriturve. Në vitin 1971 bëhet Mjeshtër i Merituar i Sportit. Është dekoruar me urdhrin “Naim Frashëri” të klasit të parë më 7 dhjetor 1995, dekreti Nr.1316. Në karrierën e tij, Todi Janku është fitues 3 herë i anketës së “10 sportistëve më të mirë” në vitin 1959, 1960, 1961. Jo vetëm kaq, por është fitues i anketës “Boksieri më i mirë i shekullit” më 1996, si dhe super-anketës “10 sportistët më të mirë të shekullit” më 1998.

Për 12 vjet rresht është kampion kombëtar, fitues i Kupës së Republikës, pikërisht në vitet 1952-1963. Më 1999 është nderuar me titullin “Nderi i sportit shqiptar”, kurse në 2000-in nga Bashkia e Tiranës ka marrë titullin “Mirënjohje e qytetit të Tiranës”. Në kuadrin e Lojërave Olimpike “Athinë 2004”, Komiteti Olimpik Kombëtar Shqiptar e ka vlerësuar me urdhrin olimpik. Është nderuar me titullin “Mirënjohje” nga Federata Shqiptare e Boksit në vitin 2004, si dhe nga klubi sportiv Tirana më 2012. I është akorduar me vendim të Këshillit të Ministrave pensioni e posaçëm.

Që nga viti 1991 është anëtar i grupit nismëtar për rilindjen dhe riorganizimin e boksit shqiptar, kurse për shumë vite ka qenë edhe anëtar i Komitetit Drejtues të kësaj Federate. Që nga viti 2001, Klubi Shumësportësh “Tirana” për nder të Todi Jankut organizon turne boksi nën emrin e tij.

Artikuj të tjerëFaqja Kryesore

Atletikë / Meta pret kampionin Smajlaj, i uron fat në 2018-ën

Atletikë / Meta pret kampionin Smajlaj, i uron fat në 2018-ën

AlbanianSport.net 10/01/2017 18:00 ASNN – Presidenti i Republikës, Ilir Meta priti sot në një takim

(Video) Ski / Erjon Tola rrëfen “Pjongçeng 2018”-ën e tij, synon historinë

(Video) Ski / Erjon Tola rrëfen “Pjongçeng 2018”-ën e tij, synon historinë

AlbanianSport.net 10/01/2017 13:25 ASNN – Lojërat Olimpike Dimërore “Pjongçeng 2018”, do të

Çiklizëm / Dyrrotaket, mes skuadrës së dytë, Zhupës dhe femrave (IV)

Çiklizëm / Dyrrotaket, mes skuadrës së dytë, Zhupës dhe femrave (IV)

AlbanianSport.net 10/01/2017 12:30 … vijon nga dje Ndërsa Fondriesti deklaroi: “Sot jemi këtu vetëm për një ditë

(Video) Luftëtari / Humb miqësoren e parë turke, 1-2 me Trabzonsporin

(Video) Luftëtari / Humb miqësoren e parë turke, 1-2 me Trabzonsporin

AlbanianSport.net 10/01/2017 10:40 ASNN – Luftëtari ka parashikuar në axhendën e tij të fazës stërvitore

FSHB: Ekipet e tjera të të rinjve, pjesë e garës sapo të plotësojnë detyrimet

FSHB: Ekipet e tjera të të rinjve, pjesë e garës sapo të plotësojnë detyrimet

AlbanianSport.net 09/01/2017 18:00 ASNN – Ajo që bëhet e ditur nga Federata Shqiptare e Basketbollit

  

banner

Arkiva

banner
banner
banner
banner
banner
banner
banner
banner
banner
banner
banner
banner

Kontakte dhe informacione

Rrjeti Shqiptar i Lajmeve Sportive (ASNN)

PR & Marketing:
Gentiana Kodra (Pine)

Rrjetet Sociale

Rreth Nesh