Subscribe to RSS

Kombëtarja / Sulmi kuqezi me probleme, vetëm Balaj e bind De Biazin

Share Button

Nga Adriatik Balla (Sot) 18.02.2017 22:55

Prej javësh, trajneri i Kombëtares kuqezi, Xhovani De Biazi, ka nisur vëzhgimin e lojtarëve, duke marrë të informacione të vlefshme për gjendjen e tyre sportive dhe për mundësitë që do të kenë në kuadër të kësaj përballjeje. Në përgjithësi, lojtarët që janë pjesë e mbrojtjes dhe mesfushës kanë dhënë sinjale të mira, sepse luajnë titullarë me skuadrat e tyre, sidomos Hysaj, Agolli e Mavraj që bëjnë diferencë dhe që luajnë në kampionate elitare, kurse Gjimshiti e Ajeti kanë ende rivalitet për një vend titullari.

Në mesfushë ka shumë lojtarë që rivalizojnë për një vend titullari, por diferencë bëjnë Memushaj dhe Xhaka që luajnë rregullisht, por edhe Abrashi dhe Basha. Problemi i vetëm që shqetëson De Biazin në këtë periudhë është sulmi, pasi përveç Bekim Balajt, i cili e ka siguruar ftesën në mënyrë të padiskutueshme, të tjerët kanë probleme me formën e tyre sportive. Shkodrani Balaj luan me Terek Groznjin në kampionatin rus dhe ka luajtur rregullisht.

Kurse Manaj, Sadiku, Cikalleshi nuk janë në formën e tyre maksimale dhe kanë probleme me minutazhin e munguar, gjë që është shqetësuese. Sa i takon Edgar Çanit, është i dëmtuar dhe vështirë të rikuperohet në kohë. Ndërkohë, Azdren Llullaku, i cili ka kaluar të luajë në Kazakistan me Astanën, ai pritet të dëshmojë në ç’formë është dhe a do ta bindë De Biazin ta ftojë në kuadër të sfidës së radhës të kuqezinjve, e, për më tepër, aktivizimin e tij.

Duke parë këtë gjendje, trajneri i skuadrës kuqezi ka nisur të shohë edhe paraqitjen e disa lojtarëve të rinj, si një mundësi alternative, por njëherësh edhe lëvizjet taktike me lojtarë të ndryshëm që të plotësohet organika si duhet dhe skuadra të luajë një lojë të mirë dhe efikase përballë të kaltërve italianë. Sokol Cikalleshi ka ndryshuar mjedis në kampionatin turk, por ai nuk ka minutazhin e duhur për të pretenduar një vend titullari, sepse nuk ka luajtur rregullisht për shumë kohë.

Edhe Rei Manaj ka probleme, pasi nuk po del te goli dhe ka efektshmëri të ulët në veprime, kurse Çani si alternativë pësoi dëmtim. Natyrisht, sulmuesi kryesor i dy viteve të fundit, Armando Sadiku, kaloi në merkaton e dimrit tek Lugano në elitën e kampionatit zviceran dhe pritet të shpërthejë me gola në pjesën e dytë të sezonit. Por edhe Sadiku vjen nga një dëmtim i gjatë ku ka pak minuta të luajtura dhe ky është një problem serioz.

Trajneri i Kombëtares, Xhoovani De Biazi, e ka vënë në dukje se në kuadër të kësaj ndeshjeje duhen lojtarë që kanë luajtur rregullisht dhe gëzojnë një formë të mirë sportive, në të kundërt nuk do të përfshihen në listën e të ftuarve. Mbetet dhe një muaj kohë dhe lojtarët po përpiqen të kapin formën e duhur dhe të jenë titullarë me skuadrat e tyre, për të qenë të gatshëm për duelin e 24 marsit kundër Italisë.

Artikuj të tjerëFaqja Kryesore

Erzeni bën “bis”, titulli më pranë, gjithçka vendoset të dielën

Erzeni bën “bis”, titulli më pranë, gjithçka vendoset të dielën

AlbanianSport.net 19/04/2018 22:00 ASNN – Erzeni ka bërë “bis”, duke e fituar edhe duelin e dytë

Tirana & Teuta nuk gabojnë, sigurojnë duelin për kurorën e “kampiones”

Tirana & Teuta nuk gabojnë, sigurojnë duelin për kurorën e “kampiones”

AlbanianSport.net 19/04/2018 20:55 ASNN – Kampionati Kombëtar i Basketbollit për meshkuj ka

Basketboll – Femra / Tirana e mposht Goga Basket edhe në shtëpi

Basketboll – Femra / Tirana e mposht Goga Basket edhe në shtëpi

AlbanianSport.net 19/04/2018 18:45 ASNN – Tirana në basketboll për femra është finaliste e betejës

Basketboll – Femra / Vllaznia triumfon në “play out” ndaj Apolonisë

Basketboll – Femra / Vllaznia triumfon në “play out” ndaj Apolonisë

AlbanianSport.net 19/04/2018 15:30 ASNN – Apolonia është mposhtur edhe në ndeshjen e radhës

Peshëngritje / Kampionati Kombëtar i Moshave, gjithçka gati

Peshëngritje / Kampionati Kombëtar i Moshave, gjithçka gati

AlbanianSport.net 19/04/2018 13:20 ASNN – Peshëngritja shqiptare bëhet gati për Kampionatin e Moshave,

  

banner

Arkiva

banner
banner
banner
banner
banner
banner
banner
banner
banner
banner
banner
banner

Kontakte dhe informacione

Rrjeti Shqiptar i Lajmeve Sportive (ASNN)

PR & Marketing:
Gentiana Kodra (Pine)

Rrjetet Sociale

Rreth Nesh