Subscribe to RSS

Profil / Pero Pejiç, edhe pse 35 vjeç, mbetet një golashënues race…

Share Button

AlbanianSport.net 05.05.2017 13:25

ASNN – Pero Pejiç është tashmë 35 vjeç dhe, në vitin e tij të 10-të, me ndonjë ndërprerje të shkurtër, në futbollin shqiptar, ai është shndërruar padyshim në një nga lojtarët më të spikatur të 17 viteve të para të këtij mijëvjeçari. Pas Dinamos në Shqipërinë e Mesme dhe Skënderbeut në atë Juglindore, golashënuesi kroat duket se po kërkon ta shijojë titullin edhe në verilindje me Kukësin.

Historia e golashënuesve të Kampionatit Kombëtar të Futbollit përfshin disa emra mbresëlënës… dhe në 10-shen e parë të tyre është edhe një huaj. Pero Pejiç është tashmë 35 vjeç dhe në vitin e tij të 10-të, me ndonjë ndërprejre të shkurtër, në futbollin shqiptar, dhe është shndërruar padyshim në një nga lojtarët më të spikatur të 17 viteve të para të këtij mijëvjeçari.

Që nga ai gol i parë në derbin e 28 prillit 2007, ku skuadra e tij e parë shqiptare, Dinamo, mundej 1-2 në derbin me Tiranën, kroati nuk ka rreshtur së shënuari. 6 gola në 13 ndeshje në atë gjysmësezon në vend të 5-të me Dinamon, janë preludi i 18 golave në 31 ndeshje në sezonin 2007-2008, që u mbyll me kurorën e kampionit me blutë kryeqytetas.

Pejiç do të rikthehet në verë të 2010-tës në Shqipëri, këtë radhë me fanellën e Tiranës, duke shënuar 16 gola në 36 ndeshje me bardheblutë dhe duke fituar Kupën e Shqipërisë. Pas një mungese të shkurtër, rikthehet në sezonin 2012-2012 me Flamurtarin, për të cilin realizon 15 gola në 23 takime. Nga Vlora, ai zhvendoset për dy sezone në Korçë.

Aty ku ka kulmin e vet, pasi fiton dy herë kampionatin, si dhe një herë Superkupën e Shqipërisë, duke shënuar në total plot 40 gola në 68 ndeshje në 48 ndeshje me Skënderbeun. Kalon më pas në Kukës, në sezonin 2014-2015 dhe 2015-2016, duke shënuar 38 gola në 45 ndeshje, përfshi 31 gola të realizuar brenda një sezoni të vetëm, dhe duke fituar edhe Superkupën në 2016-n.

Rikthimi i tij tek Kukësi këtë sezon nuk ka qenë më pak produktiv, pasi kroati, edhe pse tanimë 35 vjeç, mbetet po aq cinik, duke shënuar plot 22 herë në 25 ndeshje dhe duke e mbajtur Kukësin në betejën për titull. Pas Dinamos në Shqipërinë e Mesme dhe Skënderbeut në atë Juglindore, golashënuesi kroat duket se po kërkon ta shijojë titullin edhe në verilindje…

Megjithatë, kur gjithçka do të sqarohet pas 5 javësh, ajo që mbetet e sigurt është se Pero Pejiç mbetet një golashënues race.

Artikuj të tjerëFaqja Kryesore

(Video) Tirana “hakmerret” ndaj Vllaznisë, e mund 2-0 në sfidën e Kupës

(Video) Tirana “hakmerret” ndaj Vllaznisë, e mund 2-0 në sfidën e Kupës

AlbanianSport.net 29/11/2017 19:55 ASNN – Veprimtaria e dytë e futbollit në vend, Kupa e Shqipërisë,

(Video) Peshëngritje / Shqipëria, me 5 sportistë në SHBA, shanse për medalje në Botëror

(Video) Peshëngritje / Shqipëria, me 5 sportistë në SHBA, shanse për medalje në Botëror

AlbanianSport.net 29/11/2017 19:15 ASNN – Veprimtaria më madhore e peshëngritjes, Kampionati

Basketboll – Meshkuj / Fiton Tirana, por Skëndaj shënon i vetëm 39 pikë

Basketboll – Meshkuj / Fiton Tirana, por Skëndaj shënon i vetëm 39 pikë

AlbanianSport.net 29/11/2017 17:15 ASNN – Tirana ka fituar ndaj Barleti-Eagles me 59 pikë diferencë.

Volejboll / Flasin trajnerët kuqezi, Martiri & Bardhi, pas triumfit me Kosovën

Volejboll / Flasin trajnerët kuqezi, Martiri & Bardhi, pas triumfit me Kosovën

AlbanianSport.net 29/11/2017 16:35 ASNN – Trajneri i Kombëtares së femrave të volejbollit, Altin

Futboll – Femra / Java e 7-të ruan binomin e kreut, Kinostudio-Vllaznia

Futboll – Femra / Java e 7-të ruan binomin e kreut, Kinostudio-Vllaznia

AlbanianSport.net 29/11/2017 13:25 ASNN – Në kuadër të javës së 7-të të futbollit të femrave, Apolonia

  

banner

Arkiva

banner
banner
banner
banner
banner
banner
banner
banner
banner
banner
banner
banner

Kontakte dhe informacione

Rrjeti Shqiptar i Lajmeve Sportive (ASNN)

PR & Marketing:
Gentiana Kodra (Pine)

Rrjetet Sociale

Rreth Nesh