Subscribe to RSS

(Video) Skënderbeu, sa pranë, sa larg… Kukësi merr një pikë “in-extremis”

Share Button

AlbanianSport.net 17.03.2017 20:05

ASNN – Java e 26-të e Kampionatit Kombëtar të Futbollit ka nisur sonte me ndeshjen e parë të saj, atë midis Skënderbeut dhe Kukësit, që është mbyllur në barazim 1-1. Kjo ndeshje, që u luajt në Korçë dhe u soll për sportdashësit drejtpërdrejt nga Rrjeti i Radio-Televizionit Shqiptar, ka parë brazilianin Karioka të shënojë në minutën e parafundit dhe të bëjë të pavlefshëm golin e Latifit në pjesën e parë.

Edhe pse është dukur se pas 26 javësh do t’i vinte fundi, përsëri nuk ka ndodhur kështu. Kur kishte mbetur edhe një minutë nga koha e rregullt, Karioka ka goditur mjeshtërisht, duke mposhtur portierin Shehi dhe duke përshëndetur rrjetën, por edhe duke ruajtur të paprekur kolonën e humbjeve për  Kukësin këtë sezon, ku ka korrur 13 fitore dhe ka marrë po aq barazime.

Verilindorët kanë marrë një barazim 1-1 në Korçë ndaj Skënderbeut vendas, në takimin që u luajt në Korçë dhe u soll për sportdashësit drejtpërdrejt nga Rrjeti i Radio-Televizionit Shqiptar. Ndonëse Kukësi e pati nisur më mirë ndeshjen, duke rrezikuar fillimisht me anë të Pejiçit dhe, më pas, me anë të Lenës, janë vendasit që do të gjejnë golin në minutën e 14-të, kur Liridon Latifi godet zgjuarsisht në kufinjtë e zonës dhe mposht portierin Koliçi.

Gjysmëora e mbetur e pjesës së parë ka parë Kukësin më kërkues, por konfuz, dhe Skënderbeun më të rrezikshëm, teksa ka goditur edhe dy herë portën e verilindorëve, por pa arritur të gjejë golin e dytë. Me epërsinë minimale të vendasve do të mbyllet pjesa e parë dhe kjo do të vazhdojë deri në minutën e parafundit, kur ka goditur Karioka.

Kukësi ruan kreun me 52 pikë, dy më tepër sesa Skënderbeu dhe 3 më tepër sesa Partizani, që ka luajtur një ndeshje më pak. Të shtunën pasdreke luhen dy takime të tjera të javës së 26-të, Korabi-Partizani dhe Laçi-Flamurtari, ndërsa të dielën pasdreke Luftëtari pret në Gjirokastër Tiranën, kurse në mbrëmje, duke nisur nga ora 17:00, Teuta përballet në Shkodër me Vllazninë.

Artikuj të tjerëFaqja Kryesore

Erzeni bën “bis”, titulli më pranë, gjithçka vendoset të dielën

Erzeni bën “bis”, titulli më pranë, gjithçka vendoset të dielën

AlbanianSport.net 19/04/2018 22:00 ASNN – Erzeni ka bërë “bis”, duke e fituar edhe duelin e dytë

Tirana & Teuta nuk gabojnë, sigurojnë duelin për kurorën e “kampiones”

Tirana & Teuta nuk gabojnë, sigurojnë duelin për kurorën e “kampiones”

AlbanianSport.net 19/04/2018 20:55 ASNN – Kampionati Kombëtar i Basketbollit për meshkuj ka

Basketboll – Femra / Tirana e mposht Goga Basket edhe në shtëpi

Basketboll – Femra / Tirana e mposht Goga Basket edhe në shtëpi

AlbanianSport.net 19/04/2018 18:45 ASNN – Tirana në basketboll për femra është finaliste e betejës

Basketboll – Femra / Vllaznia triumfon në “play out” ndaj Apolonisë

Basketboll – Femra / Vllaznia triumfon në “play out” ndaj Apolonisë

AlbanianSport.net 19/04/2018 15:30 ASNN – Apolonia është mposhtur edhe në ndeshjen e radhës

Peshëngritje / Kampionati Kombëtar i Moshave, gjithçka gati

Peshëngritje / Kampionati Kombëtar i Moshave, gjithçka gati

AlbanianSport.net 19/04/2018 13:20 ASNN – Peshëngritja shqiptare bëhet gati për Kampionatin e Moshave,

  

banner

Arkiva

banner
banner
banner
banner
banner
banner
banner
banner
banner
banner
banner
banner

Kontakte dhe informacione

Rrjeti Shqiptar i Lajmeve Sportive (ASNN)

PR & Marketing:
Gentiana Kodra (Pine)

Rrjetet Sociale

Rreth Nesh